Јапонскиот производител на автомобили Хонда објави инвестиција од три милијарди долари (околу 2,6 милијарди евра) во изградба на нова фабрика за склопување возила во американската држава Охајо, каде што производството треба да започне во 2029 година.
Новата фабрика, која ќе биде изградена во централен Охајо во близина на постојните објекти на Хонда во Мерсивил и Ист Либерти, ќе има капацитет за производство на 240.000 возила годишно и се очекува да создаде повеќе од 2.000 нови работни места, објави CNBC.
Фабриката ќе биде способна да произведува различни видови возила, вклучувајќи автомобили со хибридни и бензински мотори, како и целосно електрични возила.