Градоначалникот на Марибор, Андреј Фиштравец, предложи вчера туристичката компанија Похорје, која управува со хотелите и жичниците на најголемиот словенечки ски центар, да дојде во сопственост на градот, за да не оди во стечај. Фиштравец на таканаречената лоша банка, односно Друштвото за управување со побарувања на банките (Dutb), установа која го презеде спортскиот центар Похорје и неговите долгови кон банките, и испратил необврзувачка понуда според која градот Марибор би ја откупил оваа фирма за 10 милиони евра, заедно со постоечките обврски кон банките.
“За општината Марибор секое друго решение е подобро од стечај на оваа фирма со повеќе од стотина вработени”, изјавил градоначалникот, пренесува Финанце.
Dutb купи 97,3% од акциите во компанијата, а сопственик на останатите 2,7% е јавното претпријатие Мариборски водовод.
