Во луксузниот бутик Colette, лоциран близу Лувр во Париз, беа прикажани новите часовници на Apple како дел од париската модна недела.
На самиот настан присуствуваа познати имиња од светот на модата како дизајнерот Карл Лагерфелд и уредничката на списанието Vogue Ана Винтор. Часовниците беа презентирани од страна на Џони Ајв, главниот дизајнер во Apple и Марк Њусон, познат дизајнер, кој компанијата го најми за проектот.
Иако на посетителите не им беше дозволено да ги допрат паметните часовници, на оваа еднодневна изложба истите беа за прв пат прикажани на пошироката публика.
Бутикот целосно отстапи еден свој излог со цел луксузните часовници да бидат прикажани на начин кој што е во склад со нивното функционирање, односно нивниот оперативен систем.
Се уште не се знае дали часовниците на Apple ќе можат да се продаваат во бутикот Colette, иако идејата им звучеше прилично примамлива на претставниците од компанијата.
