Канадската компанија BlackBerry нуди од 90 до 400 долари на сите корисници на iPhone, во зависност од моделот, доколку сакаат да преминат на нивниот модел Passport, покрај фиксниот надомест од 150 долари.
“За да може да ја искористите оваа понуда мора да побарате BlackBerry Passport од утврдените on line продавачи на и по први декември оваа година“, стои на официјалната страница на BlackBerry, со назнака дека оваа понуда ќе трае ограничен период.
Доколку некој корисник на iPhone 4 моделот сака да ја направи замената, освен загарантираните 150 долари, ќе добие дополнителни 90 долари. За моделот iPhone 5 ќе добијат 150, за iPhone 5C 130 долари, додека за моделот iPhone 5S 235 долари.
За најновиот модел на Apple, iPhone 6, компанијата Blackberry им дава на корисниците 400 долари за замена.
