BLU Studio energy е мобилен телефон што се разликува од сите останати паметни телефони, особено по тоа што неговата супер батерија има капацитет од 5.000 mAh.
Оваа батерија може да издржи четири дена без полнач или 45 дена доколку не се користи мобилниот телефон. Заедно со овој телефон има и кабел за полнење други уреди, кој од Studio energy прави таканаречена банка на енергија (Power bank), односно мобилен полнач за уреди со USB приклучок.
Освен овие, мобилниот телефон може да се пофали и со други силни перформанси, како што е можност за користење две СИМ картички, HD екран заштитен со Gorilla glass 3 технологија од гребење и оштетување.
Неговата цена на Amazon е 149 долари во три бои.
