Првата “физичка” продавница на Google го доби името The Google shop, а за нејзина локација беше одбран Лондон, поточно Tottenham Court Road.
Во неа ќе се продаваат разни Android уреди, од паметни телефони и таблети, до Chromebook лаптопи и Chromecast ТВ услуга. Освен тоа, Google во продавницата ќе одржува и туторијали за користење на различни уреди и апликации.
“Многу сме возбудени со овој проект. Сакаме на корисниците да им обезбедиме место каде што ќе можат да се забавуваат, експериментираат и научат нешто ново за уредите што ги нуди Google“, изјави директорот на маркетинг во Google, Џејмс Елијас.
Компанијата најавува отворање на уште две вакви продавници.
