Фото: Pexels
Стареењето е неминовен процес, но сите сакаме колку можеме да го одложиме, забавиме и да го направиме помалку забележителен.
Храната може да биде од корист, но само доколку се изберат вистинските намирници и се конзумираат во препорачаните количини.
Суштината на овој начин на исхрана е да се намали внесот на калории за 30% и да се користат дополнителни минерали, витамини и други есенцијални хранливи материи, што придонесуваат за одржување на виталноста.
За подобрување на општото здравје, спречување и контролирање на дијебетесот, болестите на срцето, Паркисоновата и Алцхајмеровата болест, треба да се конзумира внимателно одбрана храна.
Еве што треба да конзумирате за да му пркосите на стареењето.
Омега – 3 масни киселини
Намирници што ги содржат овие киселини се пастрмка, лосос, бадеми, сардина, туна, харинга.
Ореви
Неколку ореви дневно се добар извор на антиоксиданси, витамин Е и незаситени масни киселини.
Зелен чај
Пијте најмалку две чаши зелен чај дневно. Чајот прави чуда кога станува збор за превенција на болести и е еден вид еликсир на младоста.
Маслиново масло
Маслиновото масло е многу корисно за подобрување на меморијата. Маслинките содржат мононезаситени масти и витамин Е, што го намалува нивото на лошиот холестерол во крвта.
Овошје и зеленчук
За да го зачувате младешкиот изглед конзумирајте од 500 до 1.000 грама овошје и зеленчук дневно. Изберете различни видови и бои. Витамините и минералите со кои изобилуваат овие намирници го забавуваат процесот на стареење.
Пијте литар ипол вода секој ден
Помалку кафе и сокови, повеќе вода. Навечер испијте шолја чај од камилица, тоа ќе ве опушти, а за појадок јогурт со ниска масленост или млеко (околу пола литар дневно). Најдобар е јогуртот кој содржи Bifidus бактерии, што помагаат во варењето на храната.
Храна богата со протеини
Дневната доза на протеини што треба да ја конзумирате е 150 грама. Пилешко месо, месо од мисирка, јајца, мешункасти растенија и немасно сирење содржат големо количество протеини. Доколку сте физички поактивни, потребна ви е поголема количина, од 1,2 до 1,5 грама по килограм од вашата телесна тежина.
