Најпознатиот илузионист на светот Дејвид Коперфилд го изнајмува својот приватен остров на секој што ќе може да си дозволи да плати 57.000 долари за ноќевање.
Островот Муша Кеј, којшто е дел од Бахамите, го нуди сиот луксуз што може да се замисли, далеку од секојдневието и е совршено место за релаксација и незаборавна авантура.
Тој е главниот остров од вкупно 11-те што се во сопственост на Коперфилд, а сите заедно располагаат со 40 приватни плажи.
Муша Кеј има пет одвоени вили коишто можат да сместат до 24 гости, кино на отворено, приватен глисер, сала за вежбање, терен за тенис, кревети на плажа и уште многу други удобности.
