Иако не го купил луксузниот ранч, Мајкл Џексон посакал овој дом да се најде на неговото портфолио. Кралот на попот просто се заљубил во ова пространство, а не е ни чудно зошто, со оглед на тоа дека ранчот изгледа како место од бајките.
Овој неверојатен имот ќе биде даден на аукција следниот месец, а истиот располага со главна вила којашто зафаќа простор од 1.500 метри квадтрани, во која се наоѓаат пет спални соби, шест бањи и мастер апартман со сауна и теретана.
Имотот вклучува и вила за гости со специјална помала куќа за послугата. Освен тоа, ранчот има и лифт, соба за трофеи, приватно кино, вински подрум, соба за дегустација, простор каде се изложени 20 винтиџ автомобили, како и арена за трки со коњи и штали каде се чуваат животните.
Цената на сиот овој луксуз што се наоѓа во Лас Вегас, Невада, изнесува 14,5 милиони долари.
