На 25-тото издание на Monaco Yacht Show, коешто се одржа од 23-ти до 25-ти септември, беа изложени 121 супер јахта чија вкупна вредност изнесуваше 3,3 милијарди долари.
Една од најмаркантните луксузни јахти беше Silver Fast од австралиската компанија SilverYachts, чија цена е неверојатни 88 милиони долари.
Должината на овој пловечки хотел изнесува 77 метри, а може да смести 18 гости во осумте кабини.
Јахтата има отворено кино на сончевата палуба, сауна, салон за убавина, сала за вежбање, џакузи за осум лица и хелиодром, а развива брзина од 29 јазли.
Тоа е најголемата и најбрзата алуминиумска моторна јахта во светот.
