Компанијата за спортска опрема Adidas неодамна претстави нова верзија на патики, но со една интересна карактеристика.
Фановите на популарните Lego коцки сега можат да си направат пар фенси чевли – под брендот Adidas.
Имено, можно е да се направи и лева и десна патика, а сетот доаѓа со врвки. Покрај верзијата што служи како украс или играчка, секако постои и онаа што навистина може да се носи и е украсена со “култните елементи“ на брендот за играчки.
Легендарното лого на Adidas со линии се прави со Lego коцки, така што корисниците можат да прават модификации и да ги украсуваат своите чевли. Станува збор за модел наречен Adidas Ultraboost DNA X Lego Plates кој чини 200 американски долари.
Според описот на Adidas, овие патики се наменети за сите “градители, сонувачи и ризикувачи кои оставаат свој печат врз светот“. Патиките се изработени од рециклираниот материјал Primeblue, делумно создаден од океанска пластика.
Фото: Adidas