Адвокатот на FTX: Повративме средства од пет милијарди долари

54

Пропаднатата берза за криптовалути FTX поврати повеќе од пет милијарди долари во средства, објави денеска адвокатот на фирмата.
Меѓутоа, на американскиот стечаен суд во средата му било кажано дека обемот на загубите на клиентот сè уште не е познат, пренесе „Би-Би-Си“. Обвинителите го обвинија поранешниот извршен директор на FTX, Сем Бенкмен-Фрид, дека организирал „историска“ измама што можеби ги чини инвеститорите, клиентите и заемодавачите милијарди долари.

Банкмен-Фрид изјави дека не е виновен за измама на инвеститорите. „Повративме повеќе од пет милијарди долари во готовина, ликвидни криптовалути и ликвидни инвестициски хартии од вредност“, изјави адвокатот на FTX, Енди Дитрих, пред судијата на американскиот стечаен суд.

Дитрих рече дека обновените средства не го вклучуваат имотот запленет од Комисијата за хартии од вредност и берзи на Бахамите, каде што беше седиштето на FTX и каде живееше Банкмен-Фрид во моментот на неговото апсење во декември, пред да биде екстрадиран во САД. Тој е обвинет од американското правосудство дека извршил „една од најголемите финансиски измами во историјата на САД“.

FTX, чија вредност беше проценета на 32 милијарди долари пред една година, поднесе барање за заштита од банкрот на 11 ноември. Американските федерални обвинители го обвинија Бенкмен-Фрид за злоупотреба на средства од клиенти на FTX.