Белгискиот архитект Винсент Калебут разви план за изградба на фасцинантен град којшто ќе никне од рециклиран отпад, пишува CNN. Овие футуристички солитери би требало да бидат 1.000 метри под вода, а планот е комплетно да се изградат со 3D печатач од рециклирана пластика.
Наречен е според еден вид светлечка медуза Aequorea, а концептот е да се нагласи моменталната глобална подводна состојба, односно исчезнувањето на природните ресурси и потреба за чистење на океаните. Подводните облакодери би биле во целост составени од материјал добиен од мешање на алги и различен вид на отпад, коишто со помош на 3D печатење би создале широка мрежа на градски кули и комплекси.
Планирано е да има 500 метарски куполи – пристаништа дизајнирани да им овозможат на станарите пристап во подводното опкружување.
Освен простор за живеење, Aequorea ќе вклучува и лаборатории, канцеларии, хотели, терени за спорт и фарми низ своите 250 катови.
Моментално овој план е само идеја којашто би можела да се оствари со оглед на тоа што технологијата брзо напредува. Рециклирањето на отпадот може да создаде нови и одржливи структури коишто би биле последна шанса да се продолжи понатаму.
