Аеродромот во Истанбул, најголемиот во Европа, втора година по ред е прогласен за најдобар аеродром во светот според анкетата на водечкото туристичко списание Travel + Leisure.
– И ако е можно, аеродромот стана уште подобар – обезбедувајќи рејтинг од 98,57 во споредба со минатогодишните 95,79 – се наведува во соопштението за медиумите на списанието Travel + Leisure, пренесува агенцијата Анадолу.
Овогодинешниот резултат се вели дека е „исклучително импресивен“ со оглед на тоа што аеродромот во Истанбул беше рангиран на седмото место во анкетата од 2023 година, со рејтинг на читателите од 83,36.
Во 2024 година, аеродромот опслужи околу 80 милиони патници, што го прави најголем и втор најпрометен во Европа, според податоците од Генералниот директорат на државните аеродроми.
Исто така, минатата година стана најпрометниот центар за воздушен товар во Европа, според Годишниот извештај за сообраќај за 2024 година на Меѓународниот совет на аеродроми (ACI) Европа.