Акциите на Alibaba запишаа рекорден дневен пад

14

Акциите на Alibaba го забележаа својот најголем дневен пад од нивното котирање во ноември 2019 година, пишува CNN Business.

Акциите на компанијата паднаа за 11% и на берзата во Хонг Конг и на Волстрит по објавувањето на кварталните резултати и предупредувањето дека нема да се исполнат годишните прогнози за заработка и профит.

Продажбите во минатиот квартал се зголемија за 29 отсто на 31,1 милијарди долари, додека аналитичарите очекуваа приход од 32,1 милијарди долари.

Заработката по акција падна за 38% во однос на претходната година, но исто така се покажа дека е под просечните прогнози на пазарните набљудувачи.

Alibaba дури најави дека приходите за целата година ќе бидат за 20-23% повисоки од 2020 година, што е под очекувањата на аналитичарите за раст од 28 проценти.

Alibaba, како и другите големи технолошки гиганти како Tencent, Baidu и сопственикот на TikTok, ByteDance, се подложени на построги регулаторни проверки и високи казни.

Претходно оваа година, компанијата основана од Џек Ма беше казнета со рекордни 2,8 милијарди долари, откако регулаторите ја обвинија Alibaba за монополско дејствување во е-трговијата.

Хонг Конг беше првата берза на која Alibaba котираше во 2014 година. Потоа следеше долгоочекуваното ИПО во Њујорк, кое и обезбеди на компанијата 25 милијарди долари свежи ресурси.