Акциите на Tesla паднаа за повеќе од 14 отсто во вторникот на најниско ниво од август 2020 година, бидејќи инвеститорите реагираа на послабите податоци за испораките во четвртиот квартал од минатата година.
Tesla забележа пораст на испораките во четвртиот квартал за 18 проценти на 405.000 возила, додека прогнозите најавија 418.000. Вкупните испораки на Tesla во 2022 година достигнаа 1,3 милиони единици, што е зголемување за 40 отсто во споредба со минатата година, но под 50 отсто објавени од компанијата, пренесува Yahoo Finance.
Аналитичарите во JP Morgan ги намалија проценките за профитот и целните цени за акциите на Tesla по послабите резултати од испораката.
Тесла се бореше со производствени и логистички предизвици во изминатата година, вклучително и затворањето на својата најголема фабрика во Шангај на почетокот од оваа година. Извршниот директор на компанијата Илон Маск предупреди минатиот месец на „бура“ бидејќи повисоките каматни стапки тежат на побарувачката, објави Фајненшл тајмс.
