![2](https://biznisinfo.mk/wp-content/uploads/2024/07/2-5-696x464.jpg)
Во Германија сега е започната ретко видена кампања. Кинескиот производител на автомобили MG подарува електрични автомобили. За цена од еден добивате два електрични автомобили од моделот MG4 Electric кој е бестселер на германскиот пазар.
За оние кои ќе купат електричен автомобил MG4 во Германија до 31 јули 2024 година, ќе добијат втор примерок бесплатно од дилер на MG. Како клиент, тогаш добивате втор автомобил во форма на бесплатен четиригодишен договор за изнајмување, пишува Auto Bild. Единственото нешто што всушност треба да платите се 988 евра за транспортни трошоци.
Моделот MG4 е бестселер на компанијата во Германија и беше втор најпопуларен електричен автомобил во земјата во јуни по Volkswagen ID.3. Моделот MG е достапен во пет различни верзии со три големини на батерии. Основниот модел во Германија чини 34.887 евра со батерија од 51 kWh.
Тешко е да се знае како MG има корист од кампањата, но бидејќи тие се во сопственост на кинеската групација SAIC, нивните автомобили ќе се соочат со најтешките царини на ЕУ од дури 38,1 отсто, покрај 10- те отсто што веќе постоеја.