Кинеската технолошка компанија Алибаба денеска објави дека ќе инвестира најмалку 380 милијарди јуани или приближно 50 милијарди евра во развојот на инфраструктурата за облак и вештачка интелигенција во следните три години.
Најавените планови покажуваат дека компанијата е фокусирана на раст преку развој на вештачка интелигенција и има намера да биде водечки светски давател на облак услуги, се вели во извештајот.
Инвестицијата ја надминува вкупната потрошувачка на компанијата за облак компјутери и вештачка интелигенција во изминатите десет години, се додава во соопштението, пренесе Ројтерс.