Фармацевтската компанија Алкалоид проектира дека следната 2021 година ќе ја заврши со нето добивка од 20.000.000 евра.
“Консолидираната нето добивка е предвидена со раст од најмалку 8% во однос на очекуваната за 2020 година“, стои во Бизнис планот за 2021 година.
Планираниот биланс на успех предвидува раст од 10% на консолидираната добивка пред финансиските трошоци, даноци и пред амортизација.
“Бизнис планот за 2021 година предвидува консолидирани продажби од над 207 милиони евра, што претставува раст од 7% во однос на очекуваните за 2020 година“, стои во Бизнис планот.
Сегментирано, по профитни центри, 86 % од консолидираните продажби се очекува да ги реализира ПЦ Фармација, а 14 % ПЦ Хемија, козметика, билкарство.
Групацијата Алкалоид е составена од две подружници во земјава, како и од 17 подружници и од две претставништва во странство, односно во Србија, Црна Гора, Косово, Албанија, во Босна и Херцеговина, Хрватска, Словенија, Швајцарија, во Бугарија, Турција, Украина, Русија и во САД. Компанијата има 1.832 вработени во земјава и 539 вработени во подружниците и во претставништвата надвор од Северна Македонија.
Фото: Facebook
