Амазон им дозволува на менаџерите да одлучат кои вработени да се вратат во канцеларии

16

Амазон ќе им даде поголема флексибилност на своите вработени да работат од дома, дури и откако нејзините канцеларии ќе бидат отворени следната година, пишува CNBC.

Во соопштението до вработените, извршниот директор Енди Џаси рече дека компанијата ќе остави на индивидуалните директори на тимовите да одлучат колку често нивните вработени ќе треба да работат во канцеларија.

„Очекуваме да имаме тимови кои ќе продолжат да работат главно од далечина, други кои ќе се потпираат на комбинација од далечинско и канцелариско работење, како и такви кои ќе одлучат дека клиентите ќе бидат најдобро опслужени доколку тимот работи првенствено во канцеларијата“, веле Џаси. „Намерно не одредуваме колку или кои денови – ова ќе го одлучат директорите заедно со вишите лидери и тимови“.

Амазон одбива да открие колку луѓе работат на директорски позиции во неговата структура.

Одлуката претставува промена од претходните планови на Амазон да се врати во канцеларија, според која се очекуваше повеќето од своите корпоративни вработени да започнат да се враќаат во канцелариите на 3 јануари 2022 година.

Претходно, Амазон имаше намера да ги обврзе своите вработени да поминат три дена во канцеларија, давајќи им можност да работат од далечина до два дена.

Сега Џаси тврди дека Амазон не може да се потпре на унифициран пристап кон работата на секого со оглед на обемот на компанијата. Во моментов има 1,3 милиони вработени ширум светот, а илјадници од нив се на корпоративни позиции.

Како дел од промената на политиката Амазон, исто така, ќе им дозволи на своите корпоративни вработени да работат до четири недели годишно целосно од далечина од која било локација во земјата каде што се вработени.

Иако Амазон се потпира на поголема флексибилност, Џеси вели дека од повеќето вработени ќе се очекува да останат доволно блиску до своите тимови за да можат лесно да патуваат во канцеларијата за состанок, објавен ден порано.

Други технолошки гиганти, исто така, се свртеа кон далечинско работење. Во септември, Мајкрософт го одложи враќањето на вработените во канцеларијата за непознат период, додека Фејсбук и Гугл очекуваа некои од нивните вработени да продолжат да работат од дома доколку нивните задачи можат да се извршуваат од далечина.

Од друга страна, минатата година Твитер им кажа на своите вработени дека можат да работат од далечина „колку што сакаат“.