Американците купуваат помалку облека, продавниците ги намалуваат цените

21

Американските потрошувачи остро го намалија купувањето облека поради инфлацијата, што ги поттикна трговците на мало да ги намалат цените за да се ослободат од залихите.

На почетокот на август, извршните директори на американските малопродажни гиганти Walmart и Target беа принудени да воведат длабоки попусти и да ја намалат понудата.

Victoria’s Secret, Urban Outfitters и Kohl’s оваа недела изјавија дека клиентите купуваат само одредени видови облека. Иако не дадоа примери, забележаа дека клиентите сепак ќе посегнат по паричниците доколку цената е поволна.

Urban Outfitters и Victoria’s Secret објавија опаѓање на продажбата на брендови насочени кон помладата публика. PINK линијата на Victoria’s Secret, наменета за тинејџери и млади жени, забележа послаба продажба во вториот квартал од брендовите за долна облека и облека за спиење.

„Ќе бидеме многу внимателни околу набавката на „облека“ за втората половина од годината“, изјави во четвртокот главниот извршен директор на Victoria’s Secret, Мартин Вотерс.

Младите купувачи на Urban Outfitters со „потесни“ буџети се воздржуваа од облеката по висока цена и чекаа „промотивни понуди“, изјави во вторникот извршниот директор на Urban, Ричард Хејн.

Kohl’s рече дека продажбата на детска облека паднала во вториот квартал бидејќи дизајните биле „премногу модерни, недоволно основни“, додека продажбата на женска облека ги надминала другите категории.

Извршниот директор на Kohl’s, Мишел Гас, ги истакна прекините во снабдувањето што предизвикаа хаос во распоредот за дистрибуција на облека. И Walmart и Target велат дека им е тешко да продаваат облека што пристигнала неколку сезони подоцна, па решиле агресивно да ги намалат цените.

Светлата точка на продажбата беше модерната женска облека, додаваат во Target.

Аналитичарката на „Jane Hali and Associates“, Џесика Рамирез, рече дека забележала големи попусти кај марките Gap и Old Navy, додека поскапиот канцелариски шик бренд Banana Republic успеала да продава артикли по редовна цена.

И Macy’s и Kohl’s укажуваат на солидна побарувачка за облека и работна облека, според Ројтерс.