Приватниот американски инвестициски фонд Bain Capital, неофицијално, се откажал од учеството во приватизацијата на Телеком Словеније, пишува Seebiz.
Пред фондот, се откажа и рускиот МТС.
Претходно Ројтерс јави дека во потесен круг за купување на 73% од уделот во Телеком Словеније се Deutsche Telekom, кој важи за најсериозен кандидат, и уште четири инвестициски фондови – американските Providence и Bain Capital и европските Apax и Cinven.
Словенечката влада очекува конечната понуда да ја надмине берзанската вредност на Телеком Словеније и верува дека може да достигне до 1,5 милијарди евра.
