Со олеснување на мерките против епидемијата и со оглед на издржливоста и потенцијалот на нејзината економија, кинеската економија ќе заживее следната година и ќе продолжи да биде сигурна и важна движечка сила на глобалната економија во 2023 година, според економските аналитичари пренесува CGTN.
Добрите очекувања дополнително ги засили и годишната конференција за Централна економска работа во Пекинг, која заврши во петокот, со утврдени принципите за економски развој за следната година и уредени приоритети. Тука е, пред сè, проширување на домашната побарувачка, забрзување на изградбата на современ индустриски систем, консолидација на јавниот сектор и поддршка на приватниот бизнис, привлекување повеќе странски инвестиции, како и спречување на големи економски и финансиски ризици.
Состанокот го даде тонот за кинеската економија следната година и истакна дека се очекува економијата да забележи сеопфатно закрепнување следната година и покрај глобалните и домашните предизвици.
Со зајакнати медицински системи, нови поблаги соеви и стапка на вакцинација од 90 проценти, Кина неодамна објави нови мерки за оптимизирање на мерките за контрола на епидемијата.
Извештаите од неколку светски банки предвидуваат дека кинеската економија ќе има добри резултати. Така, Морган Стенли и Сосиете Женерал, две мултинационални компании за финансиски услуги, предвидуваат вкупен раст на Кина од пет проценти во 2023 година. Во меѓувреме, многу мултинационални компании ги прошируваат своите операции и инвестиции во Кина.
