Аналитичари: Цените на гасот на светскиот пазар ќе растат оваа зима

18

Глобалните цени на гасот се предвидува да соборат рекорди оваа зима, бидејќи залихите на клучните пазари паднаа на ниско ниво поради екстремно жешкото лето.

Референтната цена на холандскиот природен гас во северозападна Европа се зголеми за 80 % во последните три месеци, достигнувајќи рекордно високо ниво, додека цената на течниот природен гас (ТПГ) во Азија е на највисоко ниво од осум години, покажуваат податоците собрани од Ројтерс.

Трговците се обложуваат дека просечните зимски цени на гасот ќе ги надминат  минатогодишните највисоки нивоа, кога ледените температури низ Северна Азија доведоа до скок на цените на ТПГ за повеќе од 200 % до рекордно ниво.

Зафатеноста на складиштето за гас во Европа во моментов изнесува од 50 до 60 % во споредба со 80 % минатото лето, велат аналитичарите.

“Постои реален ризик Европа да влезе во зимската сезона со ниско ниво на залихи, што покажува дека цените ќе имаат поддршка за раст“, ​​велат аналитичарите на ING bank.

Руски Гаспром го одложи резервирањето дополнителен капацитет за транзит на гас за да се задоволи побарувачката, што исто така го зголемува ризикот од зголемување на цените во Европа, додаваат експертите.

Фото: Freepik