Американските економисти тврдат дека завршува големиот инфлаторен бран што ги зафати САД, за што придонесоа потрошувачите кои одбиваат да купуваат поскапи производи и услуги.
Истражувањето го спроведе самата централна банка, со што е утврдено дека очекувањата за инфлација на потрошувачите паднале на најниско ниво од 2013 година.
Како што пишува АП, некои од најголемите американски компании, како Амазон или Дизни, наведуваат дека потрошувачите сè повеќе бараат поевтини алтернативи за стоки и услуги, попусти или едноставно избегнуваат производи кои ги сметаат за премногу скапи, а притоа не ја намалуваат потрошувачката до степен да предизвикаат рецесија.
Наместо тоа, посочуваат економистите, се чини дека се враќаат на навиките пред пандемијата, кога повеќето компании не ги зголемија цените премногу лесно поради стравот да не го загрозат нивниот бизнис.
„Иако инфлацијата опадна, цените се сè уште високи и мислам дека потрошувачите дојдоа до точка што едноставно повеќе не ја прифаќаат. И тоа е токму она што се бара. Решението за високите цени е цената на нивното покачување да биде висока“, изјави минатата недела Том Баркин, претседател на филијалата на Федералните резерви во Ричмонд.
Со ова завршува периодот на болно високи цени што ги оптоваруваа буџетите на многу американски семејства и ги направија нивните економски изгледи мрачни.
Прашањето за инфлацијата ќе биде важно и на претстојните претседателски избори на кои ќе се натпреваруваат Камала Харис и Доналд Трамп.
Но, неподготвеноста на потрошувачите да платат повеќе ги принуди компаниите побавно да ги зголемуваат цените или дури и да ги намалат, а резултатот е заладување на инфлаторните притисоци.
