Andreessen Horowitz (a16z) ќе лансира фонд од 4,5 милијарди американски долари за крипто-стартапи и блокчејн, објавија од компанијата во средата.
Оттаму се посветени на изнаоѓање нови можности, и покрај падот на пазарот.
a16z додаде дека 1,5 милијарди долари од фондот ќе бидат наменети за стартап инвестиции, додека 3 милијарди долари ќе бидат наменети за ризични инвестиции.
Овој фонд, наречен Crypto Fund 4, работи веќе некое време, а „Фајненшл тајмс“ уште во јануари објави дека компанијата планира нов фонд.
Генералниот партнер Ариана Симпсон изјави во интервју за CNBC дека „при мечкини пазари се појавуваат најдобри можности кога луѓето всушност можат да се фокусираат на градење технологија наместо да бидат одвлечени од краткорочната активност на цените“.
Компанијата за ризичен капитал со седиште во Силиконската долина веќе има три фонда фокусирани на индустријата, од кои првиот беше лансиран пред четири години.
Порано позната по инвестирањето во Instagram и Slack, компанијата за прв пат влезе во крипто-просторот со инвестиција во Coinbase во 2013 година. Оттогаш, таа вложи пари во голем број крипто-потфати, вклучувајќи ги Avalanche, OpenSea, Solana и Yuga Labs.
Новата објава ги носи неговите вкупни крипто-средстваи блокчејн на над 7,6 милијарди долари. Минатата недела, a16z инвестираше и во Flowcarbon на поранешниот извршен директор на WeWork, Адам Нуман, кој има за цел да се справи со еколошките прашања преку базирани на блокчејн алатки за тргување со јаглерод.
