![009-1-630x420](https://biznisinfo.mk/wp-content/uploads/2023/07/009-1-630x420-1.jpg)
Првата фабрика за литиумски батерии во Аргентина ќе започне со работа во септември, а ќе користи суровини ископани во оваа земја од американската компанија Livent Corp.
Ливент се согласи да испорача литиум на новата фабрика, изградена од Y-TEC, подружница на аргентинската државна нафтена компанија YPF, пренесува Ројтерс.
– Ќе започнеме со производство на првите ќелии за литиум-јонски батерии во земјата – изјави Роберто Салварека, претседател на Y-TEC во соопштението објавено од Владата на Аргентина.
Фабриката ќе користи литиум карбонат ископан во северна Аргентина.
Аргентина е четврти по големина производител на литиум во светот и привлече бројни инвестиции во оваа област.
Оваа земја заедно со Чиле и Боливија ја формираат т.н „литиумскиот триаголник“, кој ги содржи најголемите резерви во светот на овој метал, кој е клучен за производството на батерии.