AstraZeneca подготвува одмазда за Европската унија

92

AstraZeneca би можела да ги зголеми цените на своите вакцини против Ковид-19 и да се откаже од одлуката да не профитира од тоа поради нападите што доаѓаат од ЕУ.

Според Telegraph, канадскиот имунолог и генетичар Сер Џон Бел, професор по медицина на Универзитетот во Оксфорд и лидер на научниот тим што ја разви вакцината за коронавирус, предупредува дека неоправданата критика за вакцината и штети на компанијата.

Бел рече дека AstraZeneca никогаш не била почестена поради одлуката да не профитира од вакцините и дека нападите од ЕУ и од официјални лица како францускиот претседател Емануел Макрон може да ја доведат во прашање таа одлука.

“Има момент кога AstraZeneca може да рече мора да се шегувате, престануваме да наплатуваме по производствена цена затоа што никој не не цени за она што го правиме“, рече Бел.

“Цената на нашите акции падна. Не се зголеми. Ние произведуваме повеќе вакцини од сите други. Ова е секако ефективна вакцина, но на никој не му е гајле”, додаде тој.

Бел, исто така, рече дека работниците во AstraZeneca се повеќе се фрустрираат, додека другите компании кои произведуваат вакцини, како што се американскиот Pfizer и неговиот германски партнер Biontech, се богатат.

“Немам проблем со тоа луѓето да заработуваат, но има време и место за сè. Фармацевтската индустрија ни кажува дека е супер, дека го спасила светот. Да, да, но заработија огромни суми на пари”, додаде Бел.

Фото: Facebook