Автомобилската индустрија предупреди дека цените на возилата драстично ќе се зголемат поради новите прописи на ЕУ против загадувањето.
Нејзините претставници оценуваат дека иницијативата за воведување на стандардот „евро 7“ ќе има „многу мало влијание врз животната средина, по исклучително висока цена“. Како што велат, во новиот предлог регулатива, кој беше претставен во ноември 2022 година, фокусот е ставен на супстанциите што се штетни по здравјето на луѓето, а не на емисиите на јаглерод диоксид. Тие тврдат дека поголеми здравствени и еколошки придобивки ќе се постигнат со преминување кон електрични возила, а истовремено да се заменат старите возила на европските патишта со високоефикасни модели Euro 6/VI.
Колку ќе поскапат возилата?
Студијата поддржана од Здружението на производители на автомобили на Европа (ACEA) покажа дека поради зголемувањето на производните трошоци на автомобили, автобуси и камиони, нивните цени на пазарот значително ќе се зголемат. Поточно, пресметано е дека вкупното производство на автомобили во просек ќе биде поголемо за 2.000 евра, а за автобуси и камиони дури 12.000 евра.
Сепак, оценувајќи го ефектот од новите правила, Европската комисија предвиде дека нејзините нови мерки ќе предизвикаат зголемување на цените на производството на автомобили за 180 до 450 евра за автомобили или 2.800 евра за камиони и автобуси, што е четири до десет пати помалку од предвидува студијата. Сепак, треба да се напомене дека студијата беше поддржана од автомобилската индустрија, која долго време ги критикуваше правилата како прескапи за производителите.
Фото: Pixabay
