Централната банка на Русија (ЦБ) денеска објави дека одлучила да ја задржи референтната каматна стапка на 21 отсто.
Според проценките на регулаторот, сегашното заострување на монетарните услови ги создава неопходните предуслови инфлацијата следната година постепено да се врати на целната вредност од четири отсто.
„Растот на домашната побарувачка продолжува значително да ја надминува способноста за проширување на понудата на стоки и услуги. Во исто време, растот на кредитирањето останува воздржан, а активноста на штедење на домаќинствата останува висока“, се додава во соопштението на банката.