Швајцарската министерка за финансии Карин Келер-Сатер изјави дека економијата на земјата најверојатно ќе пропадне доколку Credit Suisse банкротира.
Во интервју за весникот Le Temps, Келер-Сатер рече дека владата дејствувала во најдобар интерес на земјата брзо да се согласи за преземање на втората по големина банка во Швајцарија од нејзиниот поголем домашен ривал UBS.
Поради стравувањата од глобална банкарска криза минатиот месец, довербата на инвеститорите во Credit Suisse падна на 15 март, а владата потоа организираше итна помош во текот на викендот пред пазарите повторно да се отворат на 20 март.
Околу 109 милијарди швајцарски франци беа ставени на располагање од страна на швајцарската централна банка во очајнички обид да се спаси не само банката, туку и лошата репутација на земјата како финансиска дестинација.
„Со оглед на околностите, направивме сè што можевме за да го намалиме товарот на државата и даночните обврзници“, рече Келер-Сатер.
„Без решителна интервенција на властите, алтернативата би бил банкрот на Credit Suisse веќе следниот понеделник наутро, што веројатно би довело до колапс на швајцарската економија“, рече таа во интервју за Le Temps.
Како и UBS, Credit Suisse беше меѓу 30-те банки во светот за кои се смета дека се од глобално значење за меѓународниот банкарски систем и затоа се премногу големи за да пропаднат. Банката претрпе серија скандали во последниве години, а откако три американски регионални банки пропаднаа во март, се чинеше дека е најслабата алка во синџирот.
Фото: Facebook
