Британското Антарктичко истражување (БАС) моментално бара луѓе кои ќе работат на своите истражувачки станици, нудејќи различни позиции, од механичари и електричари до морски биолози и експерти за нуркање. Минималната годишна плата е 29.273 британски фунти (околу 35.000 евра), а работата доаѓа со бројни поволности.
Вработените во БАС имаат обезбедено и исплатено сместување и храна, специјализирана облека и обувки за работа, како и дополнителни средства за лични трошоци. Договорот вклучува и здравствено осигурување и 30 дена годишен одмор.
Животот на Антарктикот
Националниот институт за поларни истражувања на Обединетото Кралство бара работници од различни профили за своите станици на овој екстремен континент, кој го опкружува Јужниот пол на Земјата.
Животот на Антарктикот не е лесен – тоа е едно од најстудените и најекстремните места на планетата. Просечните температури во текот на зимата во внатрешноста се движат од -40 до -68 степени Целзиусови, додека долж брегот се околу -18 степени.
Летата се многу потопли, со температури кои се приближуваат до нула, пренесе N1.
Тоа е место каде што дува силни ветрови, нема комерцијална индустрија, изградени градови, или постојано населени луѓе. Единствените „населби“ се научноистражувачките станици.
