Продажбата на нови автомобили во Европската унија во септември е зголемена за 9,2 отсто на годишно ниво, на 861.062 возила, објави европската асоцијација на филијали ACEA. Продажбата беше послаба отколку што сугерира бројката, бидејќи се споредува со многу слабата продажба во 2022 година.
Имено, во септември 2022 година, продажбата порасна само втор месец по ред по повеќе од една година рецесија.
Според податоците на ACEA, во првите девет месеци од 2023 година во ЕУ се продадени 7,9 милиони нови автомобили, односно 16,9 отсто повеќе во однос на истиот период од претходната година, пренесува ДПА.
Во исто време, минатиот месец само трет пат се продадени повеќе електрични автомобили од дизел автомобили. Учеството на е-автомобилите во продажбата е 14,8 отсто.
Во Германија, пак, уделот на овие возила во продажбата падна за 28,6 отсто на годишно ниво. Ова се должи на истекувањето на државните субвенции за купувачите на електрични автомобили на почетокот на годинава.
