Сезонски прилагодениот БДП се зголеми за 0,3 проценти во еврозоната и за 0,4 проценти во Европската Унија во третиот квартал од 2025 година, во споредба со претходниот квартал.
Во вториот квартал од оваа година, БДП порасна за 0,1 процент во Еврозоната и за 0,3 проценти во ЕУ, објави Европскиот завод за статистика.
Во споредба со истиот квартал минатата година, сезонски прилагодениот БДП се зголеми за 1,4 проценти во еврозоната и 1,6 проценти во ЕУ во третиот квартал, по 1,6 проценти во еврозоната и 1,7 проценти во ЕУ во вториот квартал.
Данска (2,3 проценти) забележа најголемо зголемување на БДП во споредба со претходниот квартал, по што следуваат Луксембург и Шведска (и двете по 1,1 процент).
Падот е забележан во Ирска, Финска (и двете -0,3 проценти) и Романија (-0,2 проценти).