Заменете ги преполните места за одмор со помалку познати острови, каде што ќе најдете прекрасни пејзажи, автентичен локален живот и помалку туристи.
Иако многу од најпознатите острови на континентот сега привлекуваат голем број туристи, сè уште има многу потивки места за одмор што чекаат да бидат откриени.
Острови како Тенерифе, Санторини и Капри се познати со причина, но тие се исто така преполни со туристи. Ова се најдобрите, помалку познати европски острови што можете да ги истражите токму сега.
Заменете го Тенерифе со Ла Гомера
Додека Тенерифе, најпопуларниот Канарски остров, привлекува околу пет милиони посетители годишно, Канарскиот остров Ла Гомера има многу помалку туристи, делумно затоа што е помалку погоден за масовен туризам.
Сепак, има многу што да се препорача, особено за авантуристичките типови.
Познат е по своите вулкански планини, патеки за пешачење и Националниот парк Гарахонај, кој е под заштита на УНЕСКО.
Црните песочни плажи се задолжителни за посета, а кактусите во цут се насекаде.
Обавезно пробајте ги локалните кулинарски специјалитети како што се алмогроте, богат, зачинет намаз од козјо сирење и најсвежите морски плодови.
Шолта наместо Хвар
До Шолта, недалеку од Сплит, може да се стигне за помалку од еден час со редовен траект, што го прави едно од најлесните островски бегства во Хрватска – и едно од најпотценетите.
Pибарски села, осамените камчести заливи, маслинови градини и лозја му даваат на островот автентичен далматински изглед што е сè потешко да се најде на друго место по Јадранското Море, објавува Euronews.
Заменете го Санторини со Серифос
Овој опуштен остров, до кој може да се стигне со ферибот од Атина за околу два часа, успеа да избегне масовeн туризам благодарение на недостатокот на аеродром и големи одморалишта.
Наместо гужви, пронајдете мирни плажи и побавно темпо на живот што долго време го направи Серифос омилено место меѓу Атињаните.
По должината на неговиот брег има повеќе од 40 плажи расфрлани, додека главниот град се наоѓа на врвот на рид, со кривулести улици, цркви со сини куполи и традиционални ветерници.
Прочида наместо Капри
Капри е светски познат по своите гламурозни ресторани, хотели и клубови на плажа, но е познат и по тоа што е екстремно скап.
Сепак, постојат алтернативи кои се подеднакво убави и многу попристапни, исто така лоцирани во Неаполскиот Залив.
Островот Прочида е на само 40 минути возење со ферибот од Неапол и се гордее со чисто море, куќи во светли бои и најдобра италијанска кујна. И покрај ова, сè уште е релативно непознат и многу поевтин од Капри, па затоа е идеално место за релаксација и уживање.
Пробајте свежи морски плодови, локално приготвено лимончело и шпагети ала пескатора повера, јадење со тестенини со инчуни, што во превод значи „шпагети на сиромашен рибар“.
Заменете го островот Скај со Луинг
Малиот остров Луинг, покрај западниот брег на Шкотска, често се занемарува во корист на познатиот Скај – но тоа е дел од неговата привлечност.