Порталот „Бичатлас“ неодамна објави листа на 100 најдобри плажи, а на листата се најдоа и сплавовите во Белград.
„Бичатлас“ не направи конвенционален список, туку зеде предвид други критериуми, па на списокот се најдоа и белградските сплавови.
Експертите за патување и влијателните луѓе од целиот свет помогнаа да се создаде списокот.
Белградските сплавови беа на 50. место.
„Сплавовите вкотвени покрај Дунав и Сава се централен дел на белградската и српската култура. Околу 300 сплавови, Белград е познат по најдобриот ноќен живот на Балканот, а можеби и пошироко. Иако пливањето можеби не е примарна активност, локалното население открива утеха покрај реката, особено кога се разладува со ладна чаша пиво. За жителите областа покрај реката служи како урбан брег, уникатно прибежиште каде релаксацијата и уживањето се секогаш на дофат“, напишаа тие.
На листата се најдоа и плажата на езерото Јабланица во Босна и Херцеговина (57 место), Свети Стефан во Црна Гора (31 место), Бачвице во Хрватска (21 место) и Блед во Словенија (75 место).
Листата секако е полна со најдобрите плажи на светот, а првото место го зазеде Бора Бора во Француска Полинезија. Следува јужноафриканската плажа Боулдерс, Ваикики на Хаваи и Копакабана во Бразил.
