Денес, Амазон е најголемата „продавница за сè“ во светот во вредност од 1,5 трилиони долари. На почетокот тоа беа само книги, а Џеф Безос имаше причина за тоа.
Безос објасни зошто решил да продава само книги на неговата веб-страница – барем на почетокот – во „изгубеното“ видео интервју снимено на конференцијата на Здружението за специјални библиотеки во јуни 1997 година, кое повторно се појави во 2019 година кога беше објавено на интернет од страна на претприемачот Брајан Ромел.
Од сите различни производи што можевте да ги продавате на интернет, книгите нудат „неверојатно невообичаена придобивка“ што ги издвојува, рече Безос, а потоа елаборираше:
– Има многу повеќе ставки во категоријата книги отколку во која било друга категорија, многу повеќе. Музиката е број два, има околу 200.000 активни музички ЦД-а во секое време. Но, во просторот на книгите, ширум светот има повеќе од 3 милиони различни книги кои се активни во печатење во секое време, на сите јазици, а повеќе од 1,5 милиони само на англиски јазик – рече Безос, според CNBC Make It.
Кога Безос го основа Амазон во 1994 година, индустријата за интернет и е-трговија сè уште беше во повој. Знаеше дека ќе помине многу време додека онлајн купувањето стане сеприсутно, рече тој, па затоа сакаше да започне со концепт што трговецот на мало не може да го повтори само со локации од тули и малтер.
– Кога имате толку многу работи, буквално можете да создадете онлајн продавница која не би можела да постои на друг начин – рече тој, пренесе БизЛајф.
