Не може поскапувањата да бидат за 20 отсто за 24 часа, вели вицепремиерот за економски прашања Фатмир Битиќи појаснувајќи дека некои трговци се служат со манипулации со цените и дека ќе мора да реагираат инспекциските служби.
„Со особен интерес ги следниме цените во последните три дена на слободниот пазар и има некоректно, неетичко и неморално однесување на одредени компании кон зголемувањето на цените, што ќе наиде на одговор на институциите. Не може цената да порасне за 24 часа за 20 %, кога производствената цена не пораснала за 20 % во тие 24 часа. Тоа е една одредена манипулација кон нашите граѓани и затоа соодветно ќе реагираат инспекциските служби од кои очекувам извештај“, реагира Битиќи.