Биткоин китовите купиле повеќе од 8,8 милијарди долари во биткоин од јули

11

Популарен аналитичар сподели дека крипто-китовите купуваат биткоин (БТК) со неверојатна стапка во последните месеци.

Повикувајќи се на податоци од „Гласнод“, Вил Клементе му рекол на Ентони Помплијано дека и покрај продажбата на китовите (организациите со најмалку 1.000 БТК) во мај, тие започнале „агресивно да купуваат“ само два месеци подоцна.

„Она што го гледате овде е дека од 17 јули, пред два месеци, китовите додале 184.699 БТК, што е приближно 8,80 милијарди долари.

Клементе на Твитер напиша дека биткоинот го купуваат и инвеститори на мало или ентитети со помалку од 10 БТК.

„[Постои] макро зголемување на малите сопственци, што личи на „биков“ пазарен амбиент“.

Познатиот блокчејн аналитичар додава дека според него, БТК ќе продолжи да расте следниот месец, бидејќи силните играчи продолжуваат да акумулираат од средството.

„Во моментов сме во уште еден „биков“ импулс во заклучувањето на БТК во силни раце. (претпријатија со статистички ниска историја на продажба). Очекувајте да продолжи растот до октомври, само следете ги податоците за деривати за краткорочните флуктуации на цените“.

Заедно со китовите и инвеститорите на мало, Santiment напиша дека група инвеститори од БТК, исто така, го купуваат водечкото крипто средство.

„[Биткоин] Милионери со 100 до 10.000 БТК продадоа 70.000 БТК помеѓу 6 и 9 септември, а цената падна -14,7% до 10 -ти. Истите овие китови веќе имаат акумулирано 60.000 БТК во последните три дена … “, порачаа од Santiment.