Најголемата криптовалута во светот изгуби околу 58 отсто од својата вредност во вториот квартал од 2022 година, според CryptoCompare.
Биткоинот падна од 45.524 долари на почетокот на кварталот и се тргуваше околу 18.000 долари во четвртокот, последниот ден од тримесечниот период, според податоците на CoinDesk.
Ова е најлошата квартална изведба за биткоинот од третиот квартал на 2011 година кога изгуби 68,1 отсто од својата вредност.
Биткоинот падна за 39,8 отсто во јуни и се движи кон најлошиот месец откако излезе на берза во 2010 година, според податоците на Coin Metrics.
Во меѓувреме, етереумот падна за 69,3 проценти во вториот квартал и е на пат за најлошиот квартал од неговото основање во 2015 година, според Coin Metrics.
Кои се причините за падот?
Цените на криптовалутите се под силен притисок овој квартал поради зголемената инфлација поради која централните банки ширум светот ги зголемија каматните стапки и доведе до распродажба на ризичните средства како што се акциите и дигиталните валути.
