Бизнис кој остана имун на кризата – австриски концерн оствари најголема добивка во историјата на компанијата

15

Најголемиот австриски производител на челик Voestalpine, со седиште во Линц, ја постигна најдобрата деловна година во својата историја.

Пандемијата на коронавирус, а сега и војната во Украина, очигледно не влијае на работата на овој концерн, кој во деловната 2021/2022 година го оствари најголемиот промет во историјата на компанијата со 14,9 милијарди евра.

Добивката, пред оданочување, беше на рекордно, ниво – од 1,3 милијарди евра.

Директорот на компанијата Херберт Ајбенштајнер оцени дека концернот докажал голема флексибилност и способност за прилагодување, а пандемијата и војната во Украина не оставиле последици. Посочи дека побарувачката за висококвалитетни производи е стабилна и челикот сè повеќе се бара.