Во текот на повеќемесечната истрага, откриено е дека десетици милиони претходно користени синтетички гумени ракавици од Тајланд пристигнале во САД како нови. Аферата ја обелодени Си-Ен-Ен, а овој случај го презеле надлежните служби во САД и Тајланд, со цел да се спроведе темелна истрага.
Ќеси за ѓубре полни со искористени медицински ракавици, голем број видно извалкани и со крв, биле расфрлани во магацин на периферијата на Бангкок. Тајландските власти велат дека работниците, главно бегалци, работеле со полна пареа за да направат старите, користени ракавици повторно да изгледаат како нови, кога тајландските здравствени власти извршиле рација во установата.
Има уште многу такви компании во Тајланд кои се обидуваат да заработат пари на огромната побарувачка за медицински ракавици од почетокот на пандемијата. Според надлежните, среде глобалниот недостиг во Тајланд, тие пакуваат милиони користени ракавици кои не исполнуваат никакви стандарди и ги извезуваат во САД, но и во други земји во светот.
Експертите ја опишуваат индустријата како „бизнис заснован на измама“, а еден од нив, Даглас Стајн, изјави за Си-Ен-Ен дека ракавиците се „во моментов најопасната стока на планетата“.
