Богатството на најбогатиот човек на светот, Илон Маск, продолжува да руши рекорди. Неговото богатство неодамна надмина 200 милијарди долари, а веќе помина уште една магична граница, онаа од 300 милијарди долари.
Маск сега има неверојатни 335 милијарди долари, според индексот на милијардери на Блумберг.
Неговото богатство доаѓа од производителот на електрични автомобили Тесла, чии акции се во фокусот на инвеститорите. Денес, Тесла е убедливо највредната автомобилска компанија во светот.
Токму растот на акциите на Тесла го катапултираше личното богатство на Маск. Покрај тоа, богатството на Маск доаѓа и од компанијата за вселенски истражувања SpaceX.
Некои аналитичари сметаат дека Маск би можел да биде првиот милијардер чие богатство ќе надмине илјада милијарди долари. На второ место е основачот на Амазон, Џеф Безос со 193 милијарди долари.
