Во Босна и Херцеговина од денеска, со првиот лет од Сараево за Амстердам, почнува со работа приватната авиокомпанија Bosnian Wand Airlines (BWA). Како што пишува Ослобоѓење, основачи на оваа авиокомпанија се Wand Airlines од Ирак и еден арапски бизнисмен.
BWA ќе започне со работа со еден авион од типот ербас, изнајмен од грчката авиокомпанија Hermes Airlines.
Новата авиокомпанија ќе лета од Сараево кон неколку европски градови, а планира и линии кон Блискиот Исток.
До сега единствен официјален авиопревозник во оваа земја беше BH Airlines, кој веќе со години се наоѓа во тешка криза поради непрофитабилно работење.
