Бројот на патници на бродовите за крстарење годинава е двојно поголем во споредба со последната рекордна година за туризам. Со причина, компаниите бараат од пристанишните градови како Венеција и Дубровник да им дозволат поголем влез во градот, што наиде на неодобрување од жителите.
Компаниите за крстарење најбрзо закрепнаа по пандемијата на коронавирус, ако ги споредиме другите сектори во туризмот. Доколку продолжи трендот на раст на побарувачката во Европа и во САД, бројот на патници на бродовите за крстарење би можел да достигне 31,5 милиони до крајот на годината. Според официјалните податоци, тоа е двојно повеќе од пред четири години.
Интересно е што сите резервации за 2024 година се пополнети, бидејќи побарувачката никогаш не била поголема. Токму тоа предизвикува страв кај жителите на некои градови во Медитеранот, како Венеција, Дубровник и Барселона. Стравуваат од голем прилив на туристи, пренесува Глас Истре.хр.
Поради тоа, градските власти го ограничуваат влезот на големи бродови во пристаништата, од кои патниците ги преплавуваат историските центри и ја оптоваруваат инфраструктурата. Дополнително, тие имаат исклучително негативно влијание врз животната средина и го нарушуваат секојдневниот живот на граѓаните. Во такви услови животот е практично невозможен.
Во 2021 година, Венеција го забрани закотвувањето на бродови за крстарење пред неговото историско јадро поради штетата што ја предизвикуваат големите бродови на темелите на градот. Барселона воведе такса, односно данок за секое приклучување на брод за крстарење. Дубровник воведе правило според кое два брода со 2.500 или 3.000 патници не смеат да бидат во пристаништето истовремено.
Слични мерки подготвуваат и другите пристанишни градови низ Медитеранот, со цел да се зачува нормалното функционирање не само на градот по ордите туристи, туку и на животната средина и природата. Многумина од нив ги виделе предностите да живеат без толку многу патници од бродовите за крстарење, бидејќи освен што го нарушуваат мирот и природата, не носат некој посебен приход.