Додека Бугарија ги продолжува подготовките за транзицијата кон еврото во 2025 година, директорката на Меѓународниот монетарен фонд (ММФ) Кристалина Георгиева смета дека овој датум е „реален“, пренесува Anadolu.
„Не можам да кажам ништо конкретно за датумот, мислам дека е важно Бугарија да биде во еврозоната во 2025 година и тоа е реална цел“, изјави Георгиева за бугарските медиуми.
Наведувајќи дека знае дека транзицијата кон еврото е “суштински и стратешки приоритет“, за земјата, Георгиева рече дека на овој начин може да се зголеми конкурентноста на бугарската економија, да се намалат трансакционите трошоци во трговијата и финансиите, да се зголеми провлечноста н Бугарија за некои сектори и привлече инвестиции.
Посочувајќи дека Бугарија прави сè за да влезе во еврозоната, Георгиева рече: „Мислам дека има добри услови земјата да ги исполни овие показатели до крајот на годината. Тоа значи дека може да биде во еврозоната некаде следната година“.
Претседателката на ММФ изјави дека очекува економскиот раст на Бугарија годинава да биде околу 2,7 отсто, а до крајот на годината инфлацијата да падне под четири отсто.
Според бугарскиот национален институт за статистика, годишната инфлација во земјата во 2023 година изнесувала 9,5 отсто, а инфлацијата во јануари 2024 година била 3,8 отсто.
