Бугарската народна банка (БНБ) ја намали прогнозата за раст на бугарската економија за 2027 и 2028 година за по 0,2 процентни поени, на 2,5 и 2,7 проценти, соодветно, додека проценката за оваа година ја задржа на 2,8 проценти.
Во претходната прогноза, од јуни, БНБ очекуваше раст на бруто домашниот производ (БДП) од 2,7 проценти во 2027 година и 2,9 проценти во 2028 година.
Намалувањето на прогнозата за 2027 година е главно последица на променетите очекувања за инвестициите во основни средства, кои, според новата проценка, треба да се намалат во реални услови во таа година, пренесува БТА.