Веројатно нема подобро сведоштво за состојбата на германската економија и финансии од откритието на „Фајненшл тајмс“ дека Бундесбанката планира да отпушти стотици свои вработени „во обид да ги смири политичките критики за нејзините зголемени загуби“.
Затоа „расте нервозата“ во овој „конзервативен и таинствен столб на германскиот естаблишмент и германската економија“.
„Фајненшл тајмс“, повикувајќи се на свои упатени извори, пресметува дека германската централна банка акумулирала загуби од 20 милијарди евра поради драматичното зголемување на каматните стапки, што вообичаено се случувало со цел да се потисне инфлацијата.
Поради ваквото стискање меѓу Скилата и Харибдис на нејзините финансии, несаканата инфлација и високите каматни стапки, федералната ревизорска служба предупредува дека на Бундесбанката можеби дури и ќе и треба финансиски спас, а иронијата лежи во фактот што тоа е претседателот на германската централната банка Јоаким Нагел, кој беше најгласен меѓу поборниците за зголемување на каматната стапка, која сега му удира од глава, пренесува Блиц.
Едно време, велат тие, претседателот на Европската комисија Жак Делор забележал дека „не сите Германци веруваат во Бог, туку сите веруваат во Бундесбанката“, но се чини дека ваквите времиња се повеќе стануваат минато.
Не затоа што сите Германци почнаа да веруваат во Бог, туку затоа што имаат се помалку причина да веруваат во Бундесбанката, односно поточно во германското индустриско чудо.