Популарниот бизнис портал Business Insider одби понуда за преземање во висина од 100 милиони долари. Американски AOL, во чиј состав се наоѓаат TechCrunch и Huffington Post, им понудил на основачите на Business Insider дури 100 милиони долари, меѓутоа тие ја одбиле понудата затоа што барале износ близу до 200 милиони долари, пишува Re/code.
Business Insider е основан во 2007. Во него се инвестирани 18 милиони долари, а меѓу инвеститорите се и основачот на Amazon, Џеф Безос и основачот на Netscape, Марк Андресен.
Според некои извори, минатата година Business Insider имал околу 20 милиони долари приход, а по читаност се рангира пред Financial Times и Bloomberg, но зад The Wall Street Journal.
