Цената на златото денес достигна нов рекорд и неговата цена на њујоршката берза Comex во еден момент надмина 4.100 долари за унца.
Според податоците од берзата, цената на унца злато во 13:20 часот изнесуваше 4.102,5 долари, по што малку падна и во 14:25 часот беше продадена за 4.094,27 долари за унца.
Според „Фајненшл тајмс“ (FT), порастот на цената на златото делумно е поткрепен со зголемените инвестиции во златни фондови (ETF). Само во септември, глобалните инвеститори вложија 15,5 милијарди долари во овие фондови, што е втора најголема месечна инвестиција во историјата.